اقتباس:
المشاركة الأصلية كتبت بواسطة لؤلؤة سلفية
جزاكي الله خيرا يا أم عائشة على الموضوع
جزاكي الله خيرا يا طموح
جربتي فعلا موضوع النشا ده ؟!!
عايزة أعملها صراحة واشتريت الدقيق خلاص وكله جاهز وتمام
بس بفكر اعملها ازاي تطلع حلوة لأن قبل كده كنت بعملها تطلع طرية وبتشرب زيت بشكل غبي !! 
معرفش ايه السبب بالضبط ولا الخلل فين !!
كنت بعملها دقيق وخميرة وسكر وماء دافئ مش بحط نشا
فلو متأكدة مش هتشرب زيت يبقى خير جدا
وهل أحط بيكنج بودر برغم إني بحط خميرة ولا الخميرة تكفي ؟!
أظنها تكفي بس أكدي عليا
ولو طلعت حلوة بجد هدعي لك بظهر الغيب : )
وأكل لك قطعة على اسمك أو أصور لك واحدة وأهديها لك : )) |
يعنى لو طلعت مش حلوة مش ح تدعيلي لا لا لا
ده أنا مخليه كل الى وريا والى قدامي و بكتبلك الطريقه ؟؟ .. مليش دعوه ادعيلي برضوه .. بمزح 
المقادير :نفس ماكتبت بس نسيت الملح
طريقتي وبالتفصيل الممـــل
الخطوة الاولى : يوضع " 2كوب دقيق و 2-3 م ك نشا(حسب القرمشة) وام ص ملح و ام ك خميرة و 1م ك سكر " في صحن
الخطوه الثانية : يضاف " 3 م زيت و كوب ونصف ماء دافئ (مش مره وحده ) " ويخلط بالمضرب الكهربائي جيدا لحد ما يتجانس
الخطوة الثالثة : تغطى العجين بكيس بلاستك لمدة 45 دقيقة
بعد 45 دقيقة
الخطوة الرابعة : يسخن الزيت على النار<< (يضاف للزيت معلقة نشا لكي لا تمتص العجين الزيت لوحبيتي )
يقطع من العجين( نفس أم عائشه ما حاطه في الصورة ) بالضغط عليها وتقطع بالملعقة وفي كل مرة تغمر الملعقة بالماء حتى لا يلتصق العجين
بالملعقة
تمتلئ المقلاه بالعجين
ترفع درجة الحرارة قليلا وتقلب لقمة القاضي بإستمرار بإستمرار الى ان نحصل على اللون البني الفاتح
قبل وضع الكمية الأخرى تُخفض الحرارة الى الوسط وتتبع نفس الطريقة
عند رفع لقمة القاضي من الزيت توضع في صحن عليه ورق أو منديل
تترك لتبرد وبعد ما تبرد يصب عليها السيروم أو عسل
وقدميها مع القهوة ولا أحلى
وبالهنــاء والشفــأء
ممكن نضيف في الخطوه الاولى " كاستر(لوحطينا 1م ك كاستر نشيل 1 م ك نشا) و هيل مطحون و زعفران أوحليب نيدو المجفف و فانيليا وماء ورد ) لو حبيتي ..
أنا لا أضع بيكنج بودر لوحبتي تحطي ح تطلع معاكِ من جو مليانه عجين مثل الكيك
الطريقه مجربه مش مره أكثر من مره
وبتطلع تمام التمام ومعلهاش كلام
ومن يوم ماعملتها وعمرها ما طلعت معايه شربه زيت ولله الحمد
ممكن تطلع محروقه ( برفع كتير درجة الحرارة)
ممكن تطلع مليانه عجين( بسبب عدم تمكن يدي في التقطيع )
بس مليانه زيت عمرها ما طلعت
وإن شاء اللــه تطلع مع حضرتكِ حلوة ^___^
.:: إعلانات الموقع ::. 
الإهداءات
لقمة القاضى (الزلابيه ) ... بالصور
العرض العادي
